السياسي -متابعات
كشفت الفنانة سلوى عثمان أسباب خلافها مع المخرجة ياسمين أحمد كامل، مخرجة مسلسل “أب ولكن”، مشيرة الى أنها لا تحب أن تعمل معها مرة أخرى.
وقالت سلوى عثمان في ندوة صحافية أقيمت لتكريمها عن مسلسلها “كلهم بيحبوا مودي”، والذي عرض خلال شهر رمضان الماضي: “ما نعرفش الدنيا فيها إيه، بس أنا بقول يارب ما اشتغلش مع مخرجة مسلسل (أب ولكن) تاني، لأنها لازم تفهم أنها أصغر سنًا وتجربة من اللي قدامها أنا اشتغلت سنين مش لسة أول مرة أقف قدام كاميرا ومرفوض إنها تكلمني بالطريقة دي”.
وتابعت: “أنا عمري ما قلت لمخرج أنت بتقول إيه؟، المخرج لازم يوجهني ولازم أسمع كلامه وأنا متعودة على كده من أول ما اشتغلت، وحتى لما كبرت لا أكرر كلمة للمخرج لأن هو المسئول عن العمل وأنا بأنفذ وجهة نظره، يعني أنا مش معترضة إنها توجهني خصوصًا إنها كمان المؤلفة بس الطريقة وإزاي بتوجهني هي دي المشكلة”.
سلوى عثمان: ياسمين كامل لا تعتذر حتى لو كانت غلطانة
وأضافت سلوى عثمان: “إحنا اتكلمنا عادي لأن في الشغل بس هي ما اعتذرتش عن اللي عملته قدام الناس وهي على فكرة عندها إيجو عالي ولو غلطانة ما بتعتذرش ربنا يسهلها إنما أنا بأرجو من ربنا عمري ما أشتغل معاها تاني”.
وأوضحت: “استكملت التصوير رغم الخلاف لأني في الآخر متعاقدة مع شركة إنتاج محترمة، بتعاون معاها من سنوات، هما مش ذنبهم إني أعطل التصوير وأتسبب ليهم في عطلة”.
