السياسي -وكالات
حل الفنان ماجد المصري، ضيفاً على برنامج Gossip حيث كشف عن سر جديد في حياة الفنان تامر حسني، بجانب كشفه قصة زواجه من زوجته الحالية.
وقال المصري: “تامر حسني عنده نزعة دينية زيادة عن اللازم.. كنت عنده في بيته في شهر رمضان وفي صلاة الفجر كان هو الإمام، حسيت إنه بيستمتع وهو بيقرأ قرآن.. هو أكيد مش هيتكلم عن ده طبعًا وكان بالنسبة ليا قريب أوي من ربنا وقلبه حلو”.
كما روى موقفًا له مع غادة عبد الرازق خلال تصوير مسلسل مع سبق الإصرار، حيث نفذ مقلبًا بها، قائلًا: “كنا بنصور مع بعض مع سبق الإصرار.. قلت لها تعالي عايزك وسألتها إنتي كويسة قالت آه.. قلت لها أنا شفت لك رؤيا إن في جنازير في إيديكي ونار في أطراف شعرك وأنتي بتحاولي تفكي نفسك.. وقلت لها أنا حكيت لصديق الرؤيا وقالي فيه دعاء معين لازم تحفظه وتقوله بعد الصلاة لأن الرؤيا دي مش حلوة.. قالت إيه الدعاء… قلت لها قولي ورايا اللهم اكفني شر الكاميرا الخفية وانفعلت جدًا وقالت أقسم بالله ما هسيبك”.
وتحدث ماجد المصري عن والدته الراحلة، قائلاً: “أمي كانت بتقولي أنت متعب واللي هتتجوزها هتتعبها وأنا فعلا تاعب مراتي، ودائمًا تقولي أنت متعب ما تفكر تسافر”.
وعن قصة حبه وزواجه من زوجته الحالية، قال: “زوجتي رنا من طنطا وهي ابنة خالة صديق عمري، كنت أذهب أفراح العيلة أهزر وأقول أنا هخطب البنت دي لما تكبر، ولكن هي خدت الكلام جد، وأنا كنت بهزر، جت عيد ميلاد ابنتي ماهيتاب ووجدت رنا الطفلة كبرت، قلت لصديقي أنا هخطبها قال لي لا أنا خطبتها، قلت له هتسيبها، واتضح أنه كان بيشتغلني”.
