في اول تعليق لها قالت فدوى البرغوثي عضو المجلس الثوري لحركة فتح وزوجة المناضل البارز مروان البرغوثي الذي ظهر في مقطع فيديو يتلقى تهديدات بالتصفية من الوزير الاسرائيلي المتطرف ايتمار بن غفير ، قالت “مازالة يطاردوا فيك ويلاحقوك حتى في زنزانة انفرادية”
وقالت على صفحتها على وسائل التواصل الاجتماعي فيس بوك :
صحيح ما عرفتك ولا تعرفت على ملامحك ويمكن جزء مني ما بده يقر بكل ما يعبر عنه وجهك وجسدك وما تعرضت له انت والأسرى.
ما زالوا يا مروان بطاردوا فيك وبلاحقوك حتى في زنزانة انفرادية بتعيش فيها من سنتين ،وما زال صراع الاحتلال ورموزه معك مستمر والقيود في إيدك ولكن بعرف روحك وعزيمتك وبعرف انك تبقى حر وحر وحر ما بيهمك الا هم شعبك وانهاء معاناته اللي وصلت حدود السما في غزة وتحقيق حريته وحفظ كرامته. هيهم بيكتبوا يا جبل ما يهزك ريح. أنا بعرف انه لا يهزك إلا ما تسمعه عن آلام شعبك وما بقهرك وبوجعك الا عدم حماية اولادنا وبناتنا . انت من الناس، وين ما تكون بين الناس، منهم وفيهم، مصيرك مرتبط بمصيرهم. هيك انت كنت وهيك ستبقى.
