بنكره حماس لأنها قهرتنا وألمتنا وجعلت حياتنا سُلم للوصول لأهدافها الشخصية مش الوطنية ، حولت حياتنا من العز للذل والمهانة والإهانة .
قبل حكم حماس في 2007 كان أبوي يشتغل في إسرائيل ويقبض 6000 شيكل شهري .. بنى النا بيت .. وكان يطعمنا أحسن أكل .. ويلبسنا أفضل لبس .. ويطششنا على أحلى الأماكن .. في الأعياد ننكسي كسوتين .. وفي المدارس ننكسي ثلاث كسوات .. ولما نمرض يشتريلنا أقوى وانظف علاج .. الثلاجة دايما مليانة فواكه .. بالمناسبة #إسماعيل_هنية كان يشتغل في إسرائيل برضو ..
وبعد حكم حماس لغزة منعت إسرائيل دخول العمال من غزة لإسرائيل ، بفعل العمليات اللي كانت حماس تُرسل منفذيها على معابر العمال ، اللي كانت أخرها عملية ريم الرياشي .
قعد ابوي من الشغل .. وقعد معه 120 ألف عامل غزاوي .. حماس بدال ما تصرف لهم رواتب كونهم أصحاب دخل وعائلات كبيرة . ساومتهم بالطرود الغذائية .. ويتم اختيار الأسماء من قبل أمير المسجد “يعني بتصليش قدام أمير المسجد بح ملكاش كابونة” ..
ومع شُح العمل بغزة أصبح العمال اولاد العز مزلولين بيوميات لا تتعدى ال 50 شيكل للصنايعي و30/ 25 شيكل للعامل .. وهيك يوميات مطلوب من العامل يشتري خضرة / وكسوة / وعلاج / ومواصلات / ويكسي في الأعياد / والمدارس / ويحيي المناسبات .. حماس ترحمة؟ لاء .. حطت عليه ضرائب على الغاز .. والسولار .. والدخان .. والعلاج.. و ممنوع يتوظف إللى بتزكية من أمير المسجد .. واذا كتب على الفيس عن قهره لازم يزور مراكز الشرطة والجرائم الإلكترونية ..
إضطر الشباب لفتح بسطات على شاطئ البحر لإعالة عائلاتهم .. ففرضت الحكومة ضرائب أكبر من المشروع وأرباحه واللي ما بدفع بتكسره هو وبسطته .. فضطر الشباب لشراء سيارات ويشتغلوا على الخط .. حماس تسكت؟ لاء .. رفعت سعر السولار و التراخيص!..
فضطر الشباب للهجرة .. حماس تسكت؟ لاء .. فرضت حماس تنسيق 500, 400, 300 دولار ولزوم يكون في حسابك 7000$ !
فضطر الشباب لحرق أنفسهم والإنتحار وإزهاق أرواحهم والهرب إلى عدل الله ورحمته ..
هذا غير ظلم حماس في إجبار الناس على تركيب العداد الكهربائي الذكي .. يعني .. معاك مصاري بتيجيلك كهرباء معكاش بتعيش على الشمع و بتموت حرق .. أو بتبيعك حماس كيلو الكهرباء ب 3 شيكل اللي هو مسروق من شركة الكهرباء .
وختمت حماس سجلها الظالم بحقنا بطوفان الخرا افقدت الناس كرامتهم وأدميتهم وإنسانيتهم التي كرمهم الله بها .. ليقتلوا وتتحلل اجسامهم ويأكلها الكلاب .. وتغتصب النساء وتسترزق الحرة بفرجها ..
طوبى للهاربين الى الله من ظلم حماس في الدنيا لإنتظارهم أمام الله ليفصل بينهم ويسألهم: أي جهاد هذا الذي قتلتم عبادي جوعاً وعطشاً واجراماً وأتاوات ومظالم وحروب وسرقات واختلاسات لأجله ؟ أأنا أمرتكم بذلك؟ ..
لهيك بنكره حماس وبدنا ياها ترحل عنا وعن حياتنا.
*_ أما اللي بحبوا حماس عايشين حياة رغيدة و ما شافوا منها 1% من اللي شفناه من ظلم وقهر و تضيّع حقوق .. ما شافوا أطفالهم بتبكي من البرد .. ونسائهم بتبكي من الشوب في الخيام .. ورجالهم بتبكي من الفقر .. وشيوخهم بتبكي من المرض والرمية في ممرات المستشفيات .. لهيك بحبوا حماس .. ولو إنهم عاشوا اللي عشناه من حماس لحكوا نفس حكينا وأكثر ..
الحمد لله إنه نهاية الدنيا قبر وسؤال .. و جزاء وعقاب .. مقهور وقاهر .. ومظلوم وظالم .. وجنة ونار . والديّن لا يُغفر حتى يغفر المظلوم .. ولن نغفر ولن نسامح .. وعند الله اللقاء ..
*أشرف نصر
