السياسي -وكالات
اجتاحت منصات التواصل الاجتماعي بالوطن العربي خلال الساعات الماضية، موجة من الجدل بسبب استغاثة شيرين بجمهورها من زوجها السابق الملحن حسام حبيب، الذي زعمت أنه يسعى لتدميرها نفسياً وجسدياً، والقضاء عليها وعلى صوتها للأبد.
كما وجّهت له اتهامات بالسرقة، وتداول الجمهور صورة من تحويل مبلغ مالي قامت به لصحاله خلال الفترة الماضية، بقيمة 200 ألف دولار.
تكذيب
ورد حسام حبيب على هذه الاتهامات عبر وسائل الإعلام، قائلاً: “طبعاً أنا خجلان من كل اللي بيحصل، ومش عارف أقول إيه عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا أطلقنا يا هى بتكدب على البنك وقالت إني زوجها وحولتلي”.
وأضاف: “شيرين عبد الوهاب دمها بقا تقيل، والمرة دي بجد هحبسها، وهي خرجت النهاردة وقالت الكلام دا لأنها عماله تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل ’خر مرة لما الأمر وصل للنيابة والحوار كبر، وفي الأخر عشان أنا زهقت عملتلها بلوك”.
حقيقة الرجوع
وأضاف: “الموضوع مش بالعافية أنا مش عايز أرجع، وأنا اللي في سجن، وعايز أتحرر منه، أنا اللي تعبت وأستحملت إهانات بقالى سنين على حاجات محصلتش، وعمري ما اشتكيت ولا اتكلمت ولا دافعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا، بس خلاص أنا أضطريت لكدا”.
وتابع: “الحياة مش بالعافية، أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها، وهاخد حقي بالقانون”.
وعن سرقته خزنة شيرين عبد الوهاب، قال حسام حبيب:”أنا عايز أعرف إزاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا صرفت وعملت، وأنا بسنتجد بكل الناس ارحموني منها، دا ذنب أنا عملته في حياتي أنا مش عارف إيه دا، ولسة هطلع أتكلم كمان بكل التفاصيل”.
