السياسي -متابعات
كشفت البلوغر رنا أحمد، إحدى الناشطات على مواقع التواصل الاجتماعي، ومشجعة النادي الأهلي المصري عن مفاجأة من العيار الثقيل حيث أعلنت زواجها السري من حارس المرمى الأول للنادي الأهلى ومنتخب مصر، محمد الشناوي.
وكتبت رنا أحمد عبر صفحتها خاصية القصص المصورة الملحقة على حسابها الخاص بموقع التواصل الاجتماعي “إنستغرام”، منشوراً طويلاً قالت فيه: “أنا سكت فترة طويلة احترامًا لنفسي لكن كفاية لحد كده، مع إني كنت بشوف كومنتات سلبية وناس بتهاجمني”.
وأضافت: “قررت أتكلم وأوضح الحقيقة اللي حصل بيني وبين محمد الشناوي. ما كانش مجرد تعارف أو كلام عادي، الموضوع وصل لارتباط وجواز بشكل سري، وعمر صاحبه كان شاهد على كل حاجة وشاهد على جوازنا وشاهد عليا وسامعني”.
وتابعت :”أنا وافقت على الكلام ده لأني صدقته لما قاللي وأكدلي إنه بعد فترة من جوازنا هو هيعلن عني، بعد فترة الأمور اتغيرت وبدأ يحصل ضغط عليا علشان أفضل ساكتة وما أتكلمش”.
منشور رنا أحمد
رنا أحمد: تم تهديدي بعدما قررت كشف حقيقة زواجي من الشناوي
وأضافت: “ولما قلت إني ممكن أكشف الحقيقة تم تهديدي إنهم هيرفعوا عليا قضية تشهير، وبعد ما شافوا إني مصممة على قراري بعت ليا شخص اسمه كريم رزق مدير السوشيال ميديا السابق في النادي الأهلي وصاحبه عمومًا، وعرض عليا فلوس مقابل إني أسكت وما أتكلمش”.
وأكملت: “أنا محتفظة بكل الرسائل والفيديوهات من إنستجرام وواتساب اللي تثبت كلامي ده وهأنزلها كلها، وأنا ما بقولش الكلام ده علشان أعمل مشاكل أو ألفت الانتباه، لكن علشان أوضح الحقيقة وأدافع عن نفسي بعد كل اللي حصل. ولو اضطر الأمر هعرض كل الأدلة بالطريق القانوني علشان حقي يظهر قدام الناس”.
واختتمت: “وأنا كلمت المحامي بتاعي وهنرفع قضية والإجراءات بتتم وهاخد كل حقوقي، وأنا عندي استعداد أفضح وأنزل كل حاجة تخصه، وساخته بس من ستر عبدًا ستره الله يوم القيامة وأنا هكتفي بالاستوري دي”.
